प्रहरी हिरासतबाट साेमबार भागेका दुई बन्दी बाैद्धबाट पक्राउ

काठमाडाैं-
भैंसेपाटीस्थत प्रहरी प्रभागकाे हिरासतबाट साेमबार भागेका दुई बन्दी बाैद्धबाट पक्राउ परेका छन्।
महानगरीय प्रहरी अपराध महाशाखाका प्रमुख एसएसपी सहकुल थापाका अनुसार हिरासतबाट भागेका तीनमधये रुद्र श्रेष्ठ र शमशेर माझी पक्राउ परेका हुन्।
भैँसेपाटी प्रहरी प्रभागको हिरासतबाट सोमबार राति थुनुवाहरू शमशेर माझी, रुद्रलाल श्रेष्ठ र रविकुमार तिमल्सिना फरार भएका थिए।
श्रेष्ठ र माझी बुधबार पक्राउ परेपनि तिमिल्सिना अझै फरार छन्। उनकाे खाेजी भइरहेकाे प्रहरीले जनाएकाे छ।
फरार तीन थुनुवामा आज पक्राउ परेका दुई जना डाँका र अर्का एक जना लागुऔषध मुद्दाका अभियुक्त हुन्।
उनीहरु ग्रिल उप्काएर भागेको प्रहरीले जनाएको छ। घटना छानबिनका लागि एसपी दुर्गा सिंह (चन्द) को नेतृत्वमा समिति गठन गरिएको छ।