नगरपालिकाको योजनाबाट निजी प्लटिङमा बाटो

काठमाडौं-नागार्जुन नगरपालिकाले आफ्नो विकास योजनामा सार्वजनिक बाटो निर्माण कार्यलाई बेवास्ता गर्दै निजी प्लटिङका लागि सडक निर्माण गरेको पाइएको छ । सो नगरपालिकाले स्थानीय जनताका प्राथमिकतालाई छाडेर निजी जग्गा प्लटिङ गर्ने व्यापारीको स्वार्थअनुकूलका योजना निर्माण गरेको पाइएको हो । यो समाचार आजको राजधानी दैनिकले छापेको छ |

स्थानीय वडाले योजना निर्माणका क्रममा प्लटिङ तथा निजी व्यक्तिको स्वार्थअनुरूपका योजना छनोट गरेको आरोप लगाएका छन् । वडा क्षेत्रका विभिन्न तीन स्थानमा प्लटिङ गरिएका जग्गा रहेका क्षेत्रमा नगरपालिकाको योजनाअन्तर्गत सडक निर्माणका काम भइरहेका छन् ।

स्थानीय रामबहादुर कुँवर भन्छन्, ‘स्थानीयका प्राथमिकताका काम छाडेर वडाले निजी स्वार्थका कामलाई प्राथमिकतामा राख्ने गरेको छ । इचंगुनारायण तथा ह्वाइट गुम्बा जस्ता महŒवपूर्ण धार्मिक तथा पर्यटकीय स्थल जाने सडक अलपत्र छन् । न त तिनको मर्मत सम्भार गरिएको छ न त स्तरोन्नत्ति नै ।’

नगरपालिकाका यी काम विवादित बनेको छ । निजी प्लटिङमा नगरपालिकाको लगानीमा सडक बनिरहेको यो विषयको मुद्दा अख्तियार दुरुपयोग अनुसन्धान आयोगमा समेत छानबिनको क्रममा रहेको छ । नगरपालिकाका प्रवक्ता थुमराज केसीका अनुसार अख्तियारले यस सम्बन्धको जवाफ माग गरेको र नगरपालिकाले जवाफ लेखेर पठाएको छ ।