‘आइफा आयोजना उक्साहट र स्वार्थमा ‘ – नेता रावल

काठमाडौ-नेपाल कम्युनिस्ट पार्टी (नेकपा)का स्थायी समिति सदस्य भीम रावलले सरकार आयोजक भएर गर्न लागिएको आइफा प्रति आपत्ति जनाएका छन्।

नेपाल सरकारको एक अर्ब लगानी हुने उक्त कार्यक्रम प्रति आश्चर्य व्यक्त गरेका छन्। टिव्ट गर्दैं रावल लेख्छन्,‘यस्ता काम कस्को उक्साहट र स्वार्थमा कसले किन गर्छ होला।’

नेता रावलले पार्टीको स्थायी समितिको बैठक बस्न नसकेको प्रति पनि यसै विषयलाई जोडेर जिज्ञासा राखेका छन्। ‘नेकपाको स्थायी समिति बैठक भए जान्न –(आइफा बारे) जान्न पाइन्थ्यो कि?’

भारतमा नीजि तबरमा हुने कार्यक्रमलाई अगस्टको अन्तिम साता सरकार आयोजक बनि आइफा हुन लागेको छ। आगन्तुकको आवात जावत र वसाइ गरि १ अर्ब बढि सरकारी ढुकुटी उक्त कार्यक्रममा खर्च हुने भएको छ।