ईपीएस परीक्षामा १२ हजार उतिर्ण

सोल-गत जेठ २६ र २७ गते संचालन भएको कोरियन भाषा परीक्षामा १२ हजार १० जना उतिर्ण भएका छन् |

एचआरडी कोरियाले जनाए अनुसार औद्योगीक क्षेत्रमा ९५ अंक र कृषि क्षेत्रमा ८३,२ अंक प्राप्त गर्ने परीक्षार्थीहरु उतिर्ण भएका हुन् | यो संख्या कोरियन सरकारले तोकेको कोटा भन्दा दुई हजार बढी हो |

उतिर्ण भएका बिद्यार्थी स्किल टेस्ट र कम्पेटेन्सि टेस्टका लागि योग्य हुने छन् |

कोरिया सरकारले आगामी बर्षका लागि १० हजार ५० जनाको कोटा तोकेको छ | यसमध्ये कृषि क्षेत्रमा ३ हजार र उत्पादनमुलक क्षेत्रमा ७ हजार ५० जनाको कोटा निर्धारण गरिएको हो ।

यसपालिको परीक्षाका लागि ९२ हजार ३५६ ले आवेदन दिए पनि ८४ हजार २ सय १५ जनाले भाषा परीक्षा दिएका थिए | ।