सत्तारुढ गठबन्धनले नागरिकता विधेयक अगाडि बढाउने

काठमाडौँ- नागरिकता विधेयकलाई सत्तारुढ पाँच दलीय गठबन्धनले अगाडि बढाउने निर्णय गरेको छ ।

सञ्चार तथा सूचना प्रविधि मन्त्री ज्ञानेन्द्रबहादुर कार्कीका अनुसार प्रधानमन्त्री शेरबहादुर देउवाले नागरिकता विधेयकलाई अगाडि बढाउने प्रस्ताव गरेका हुन् । बुधवार प्रधानमन्त्रीको सरकारी निवास बालुवाटारमा बसेको गठबन्धन बैठकमा देउवाले उक्त प्रस्ताव गरेका हुन् ।

उनले कतिपय नागरिकले बाबुआमा नेपाली नागरिक भए पनि नागरिकता विहीन हुनुपरेको भन्दै नागरिकताको समस्यालाई समाधान गर्न सरकार अघि बढेको बताएका छन् । बैठकमा शान्ति प्रक्रियालाई चाँडै निष्कर्षमा पुर्‍याउनका लागि पनि छलफल भएको मन्त्री कार्कीले बताए ।

।