लामिछानेले खोले राष्ट्रिय स्वतन्त्र पार्टी, दर्ताका लागि पुगे आयोग

काठमाडौँ- पूर्वसञ्चारकर्मी रवि लामिछानेले नयाँ दल खोलेका छन् । दलको नाम उनले राष्ट्रिय स्वतन्त्र पार्टी राखेका छन् ।

मंगलबार काठमाडौँको राष्ट्रिय सभागृहमा औपचारिक राजनीतिको यात्रा र पार्टी घोषणा कार्यक्रममा उनले आफ्नो पार्टीको नाम सार्वजनिक गरेका हुन् । उनले अहिलेका राजनीतिक दलहरूसँग कुराकानी गरेको भए जान नसकेकाले नयाँ पार्टी खोलेको स्पष्ट पारेका छन् । उनले भन, “आफ्नो नेतृत्वमा दल दर्ता गरे पनि यो पार्टी सबै जनताको हो। म सबैलाई खुला हृदयले स्वागत गर्न चाहन्छु।”

उनि दल दर्ताका लागि निर्वाचन आयोग पुगेका छन् । आफ्ना समर्थकका साथमा उनी आयोग कार्यालय पुगेका छन् । यस्तै उनले पार्टीको पहिलो बैठक पनि आज नै राख्ने बताएका छन् ।