करको दरमा राष्ट्रघात र गद्दारी भएमा जिम्मा लिन तयार छु : अर्थमन्त्री

\काठमाडौँ- करको दरमा राष्ट्रघात र गद्दारी भएमा जिम्मा लिन तयार भएको अर्थमन्त्री जनार्दन शर्माले बताएका छन् । उनले बजेट निर्माणमा अनधिकृत व्यक्तिले प्रवेश पाएको आरोप लागेपछि प्रतिनिधिसभाको बैठकमा जवाफ दिँदै यस्ताे बताएका हुन् ।

उनले भने, “बजेट सम्बन्धित विभागीय प्रमुख र सचिवसहितको समितिले बसेर बनाएका हौँ। दररेटप्रति म पूर्ण जिम्मेवार र जवाफदेही छु। त्यसमा कतै राष्ट्रघात भएको छैन, कतै गद्दारी भएको छैन।”

बजेटमा विभिन्न मन्त्रालयगत विनियोजन शीर्षकअन्तर्गत संसद्‌मा छलफल जारी छ ।