प्रभावकारी नदेखिएपछि सातामा दुई दिन विदा खारेज

काठमाडौँ- सातामा दुई दिन सार्वजनिक विदा दिने सरकारको निर्णय आज अषाढ १ गतेबाट खारेज भएको छ । शनिबार र आइतबार दुई दिन सम्भावित आर्थिक संकटको जोखिम रोक्ने उद्देश्यले सरकारले सार्वजनिक विदा दिने निर्णय गरेको थियो ।

एक महिनाको परीक्षणमा लगातार दुई दिन विदा प्रभावकारी नदेखिएपछि सरकार उक्त निर्णयबाट पछि हटेको हो । सातामा दुई दिन सार्वजनिक विदा दिने यसअघिको निर्णय खारेज गर्ने निर्णय गत सोमबार बसेको मन्त्रिपरिषद बैठकले गरेको थियो ।

साताको दुई दिन दिइएको विदा खारेज भएसँगै कार्यालय समय पूर्ववत् कायमै रहने गृह मन्त्रालयले जनाएको छ ।