अब पेट्रोल १७८, डिजेल र मट्टीतेल १६५ रूपैयाँ प्रतिलिटर

काठमाडौँ- बिहीबार राति १२ बजेबाट लागू हुने गरी सरकारले फेरि पेट्रोल, डिजेल र मट्टीतेलको मूल्य बढेकाे छ । सरकारले पेट्रोल लिटरमा ८ रूपैयाँ र डिजेल तथा मट्टीतेल लिटरमा १२ रूपैयाँ बढाएको हाे । यसअघि जेठ १९ गते मात्र आयल निगमले पेट्रोल, डिजेल र मट्टीतेल लिटरमा दस रूपैयाँ घटाएको थियो ।

नयाँ मूल्यसँगै अब काठमाडौँ उपत्यकामा पेट्रोल १७८ रूपैयाँ, डिजेल र मट्टीतेल १६५ रूपैयाँ लिटर पर्ने नेपाल आयल निगमद्वारा जारी विज्ञप्तिमा जनाएको छ । एलपी ग्यासको भने मूल्य यथावत, एक हजार ८ सय रूपैयाँ नै छ ।

पेट्रोलियम पदार्थमा पूर्वाधार १० रूपैयाँ पूर्वाधार कर हटाउन अर्थले उद्योग मन्त्रालयलाई निर्देशन दिएपछि भाउ कम भएको थियो । हाल मूल्य समायोजन गर्दा घाटा भएको भन्दै निगमले भाउ बढाएको हो ।​