रोहिणी खोलामा बस खस्यो, ९ जनाको मृत्यु

काठमाडौँ- आज बिहान जनकपुरबाट भैरहवा तर्फ जाँदै गरेको यात्रुबाहक बस दुर्घटना भएको छ । उक्त दुर्घटनामा ९ जनाको मृत्यु भएकाे छ ।

रुपन्देहीका एसपी रवीन्द्र रेग्मीका अनुसार रोहिणी खोलामा लु २ ख ३८ ४१ नम्बरको बस दुर्घटना हुँदा ९ जनाकाे मृत्यु भएकाे हो । उनले रोहिणी खोलाको पुल भत्काएर खोलामा बस खसेको जानकारी पनि दिएका छन्।

यस्तै उनले उद्धार जारी रहेकोले मृतक अझै बढ्न सक्ने बताएका छन् । घटनाबारे थप विवरण आउन बाँकी छ।