तारा एयर : आज थप १२ जनाको शव काठमाडौँ ल्याइँदै

काठमाडौँ- २ जना सवार तारा एयरको (9-N-AIT) कल साइनको ट्विनअटर विमान दुर्घटनामा परेका २२ जनाको शव भेटिएको छ । आइतबार पोखराबाट जोमसोमबाट जाने क्रममा विमान दुर्घटनामा परेको थियो । दुर्घटनामा सबैको मृत्यु भएको थियो ।

आज विमान दुर्घटनामा मृत्यु भएका थप १२ जनाको शव काठमाडौँ ल्याइने नागरिक उड्डयन प्राधिकरणले जनाएको छ । १० जनाको शव सोमबार नै काठमाडौँ ल्याइएको थियो ।

प्राधिकरणले मंगलबार बिहान जारी गरेको विज्ञप्तिमा भनिएको छ “दुर्घटनामा निधन भएकोमध्ये १० जनाको शव जेठ १६ गतेका दिन काठमाडौँ ल्याइएको र बाँकी रहेका १२ जनाको शव आज बिहान ८ः३० बजे फिस्टेल एयरको हेलिकप्टरबाट आधार स्थल कोबाङ ल्याइसकेको र उक्त शवहरू नेपाली सेनाको हेलिकोप्टरद्वारा काठमाडौँ ल्याइने क्रममा रहेको जानकारी गराइन्छ ।”