तारा एयर अपडेट : १६ जनाको शव भेटियो

काठमाडौँ- २२ जना सवार तारा एयरको (9-N-AIT) कल साइनको ट्विनअटर विमान दुर्घटनामा परेका १६ जनाको शव भेटिएको छ ।

नेपाल नागरिक उड्डयन प्राधिकरणका प्रवक्ता देवचन्द्र लाल कर्णका अनुसार हालसम्म १६ जनाको शव फेला परेको छ ।

१२ जनाको शव छरिएको अवस्थामा र २ जनाको शव चेपिएको अवस्थामा फेला परेको कर्णले जानकारी दिएका छन् । अन्यको खोजी जारी रहेको प्राधिकरणले जनाएको छ । कर्णले शव तथा सुरक्षित रहेका सामान संकलन गरी हेलिकोप्टरबाट काठमाडौं ल्याउने तयारी भएको बताएका छन् ।

जहाजलाई क्याप्टेन प्रभाकरप्रसाद घिमिरेले उडाएका थिए भने को पाइलट उत्सव पोखरेल र एयर होस्टेज किस्मी थापा रहेको तारा एयरले जनाएको छ।