अब ६८ वर्षदेखि नै वृद्धभत्ता

काठमाडौँ- अब ज्येष्ठ नागरिकलाई ६८ वर्षदेखि नै सरकारले सामाजिक सुरक्षा भत्ता उपलब्ध गराउने भएको छ ।

अब ६८ वर्षदेखि नै सामाजिक सुरक्षा भत्ता उपलब्ध गराउने अर्थमन्त्री जनार्दन शर्माले बताएका छन् । उनले संघीय संसद्को संयुक्त बैठकमा आगामी आर्थिक वर्ष २०७९/८० को बजेट सार्वजनिक गर्दै सो जानकारी दिएका छन् ।

यसअघि भने सरकारले ७० वर्षपछि मात्रै सामाजिक सुरक्षा भत्ता दिने गरेको थियो ।