काठमाडौँको मेयरमा बालेन निर्वाचित

काठमाडौँ- स्वतन्त्र उम्मेदवार बालेन साह काठमाडौँ महानगरपालिकाको प्रमुख पदमा निर्वाचित भएका छन् । साहले ६१,७६७ मत ल्याउदै निर्वाचित भएको मुख्य निर्वाचन अधिकृतको कार्यालयले जनाएको छ ।

उनले पाँच दलसहितको सत्ता गठबन्धनका उम्मेदवार सिर्जना सिंह र नेकपा एमालेका उम्मेदवार केशव स्थापितमाथि भारी मतान्तरले जित्दै निर्वाचित भएका हुन् ।

उनका निकटतम प्रतिस्पर्धी नेपाली कांग्रेसकी सिर्जना सिंहले ३८,३४१ र नेकपा एमालेका केशव स्थापितले ३८,११७ मत प्राप्त गरेका छन् ।