बालेन २१,६०७ मतान्तरले अगाडि, ७ हजार मत गन्न बाँकी

काठमाडौँ- काठमाडौँ महानगरपालिकाको मतगणना अन्तिम चरणमा पुग्दा स्वतन्त्र उम्मेदवार वालेन्द्र साहले काठमाडौँ महानगरपालिकाको प्रमुखमा आफ्नो अग्रतालाई कायमै राखेका छन् । साहले २१,६०७ मतको अग्रता लिएका छन् ।

१,८३,६७९ मत गणना हुदा उनले ५९,१४९ मत ल्याएको पछिल्लो मत परिणामले जनाएको छ ।

दोस्रो स्थानमा रहेकी नेपाली कांग्रेसकी सिर्जना सिंहले ३७,५४२ प्राप्त गरेकी छिन् भने एमाले उम्मेदवार केशव स्थापितले भने ३७,२१८ मत प्राप्त गरेका छन् ।