रेनु दाहालको अग्रता कायमै, ३० मतले पछाडि सुवेदी

चितवन- सत्तारुढ गठबन्धनकी उम्मेदवार रेनु दाहालले भरतपुर महानगरपालिका प्रमुख पदमा आफ्नो अग्रतालाई कायमै राखेकी छन् ।

पछिल्लो मत परिणाम अनुसार उनले १७,०३४ मत गणना हुदा ५,७१८ मत पाएकी छन् ।

नेकपा एमालेका उम्मेदवार विजय सुवेदीले भने ५,६८८ मत पाएका छन् । उनी रेनु दाहालभन्दा ३० मतले पछाडि छन् ।

यस्तै, प्रमुख पदमै स्वतन्त्र उम्मेदवार जगन्नाथ पौडेलले २,७८८ मत पाएका छन् ।