काठमाडौँ महानगरको मतगणना सुरु

काठमाडौँ- काठमाडौँ महानगरपालिकाको मतगणना सुरु भएको छ ।

राष्ट्रिय सभा गृहमा केहीबेर अघिबाट मतगणना सुरु भएको हो । निर्वाचन अधिकृतका अनुसार वडा नम्बर १ र ३२ बाट मतगणना सुरु गरिने छ ।

राजनीतिक दलका प्रतिनिधिहरू बीचको सहमतिपछि मतगणना सुरु गरिएको अधिकृतले जानकारी दिएका छन् । सुरुवाती मतगणनामा वडा नम्बर १ र ३२ को मतगणना सुरु गरिएको छ ।

यसपटकको निर्वाचनमा मेयर पदका लागि नेकपा एमालेबाट केशव स्थापित, नेपाली काँग्रेसबाट सिर्जना सिंह र स्वतन्त्र उम्मेदवार बालेन साहलाई मुख्य प्रतिस्पर्धी मानिएका छन् ।

मतगणनास्थलमा सुरक्षाकर्मीको सङ्ख्या बढाइएको छ।