मनाङ र दाङमा कांग्रेसकाे अग्रता : खोल्यो जितको खाता

काठमाडौं- नेपाली कांग्रेसले मनाङको नार्पाभूमि गाउँपालिकाबाट जितको खाता खोलेको छ ।

१५८ मत ल्याएर गाउँपालिकाको अध्यक्षमा कांग्रेसका कोन्जो तेन्जिङ लामा निर्वाचित भएका हुन् ।

उनका निकटतम प्रतिद्वन्द्वी स्वतन्त्र उम्मेदवार कृष्णबहादुर लामाले १११ मत पाएका छन् ।

त्यसतै, नेपाली कांग्रेसले दाङकाे द‌गीशरण गाउँपालिकामा पनि अग्रता लिएकाे छ । ४ सय मत गनिसक्दा अध्यक्ष र उपाध्यक्ष दुवै पदमा कांग्रेसकाे अग्रता छ ।

कांग्रेसका अध्यक्ष पदका उम्मेद्वार शम्भु गिरीले २ सय १८ मत ल्याएका छन् भने एमालेका मेघनाथ शाहकाे १ सय २३ मत रहेकाे छ । त्यस्तै उपाध्यक्षमा कांग्रेसका पीमा कुमारी खड्काकाे २ सय ३ मत रहेकाे छ भने एमालेका बुधनी चाैधरीकाे १ सय २४ मत रहेकाे छ ।