रोल्पामा माओवादी एक्लै भिड्ने

काठमाडौं- सत्ता गठबन्धनभित्रै चुनावी तालमेलमा बन्न नसकेपछि रोल्पामा नेकपा माओवादी केन्द्रले एक्लै चुनाव लड्ने भएको छ ।

यसका लागि पार्टीले १० स्थानीय तहमा उम्मेदवारको टुंगो लगाएको र सोमबार उम्मेदवारी दर्ता गर्ने जनाएको छ।

पार्टी श्रोतले जनाए अनुसार रोल्पा नगरपालिकाको मेयरमा सुरेन्द्र थापा घर्ती र उपमेयरमा गीता आचार्यलाई उम्मेदवार बनाउने निर्णय गरेको छ।

यस्तै सुनिलस्मृति गाउँपालिकाको अध्यक्षमा मनिराम बुढाथोकी र उपाध्यक्षमा कुमारी थापा तथा लुङ्ग्री गाउँपालिकाको अध्यक्षमा भरत थापालाई उम्मेदवार बनाउने निर्णय गरेको छ। लुङग्री गाउँपालिका उपाध्यक्षको भने टुंगो लागेको छैन।

सुनछहरीको अध्यक्षमा धनबहादुर पुन र उपाध्यक्षमा नैनकला घर्ती, थबाङको अध्यक्षमा ऋषिकेशव बुढामगर र उपाध्यक्ष सर्मिला बुढा, परिवर्तनको अध्यक्षमा शुकबहादुर बुढामगर र उपाध्यक्षमा कलादेवी खत्री, माडीको अध्यक्षमा अमरसिंह घर्तीमगर र उपाध्यक्षमा जयपुरी घर्ती तथा गंगादेवको अध्यक्षमा वीरबहादुर खत्रीलाई उम्मेदवार बनाउने निर्णय भएको छ।

यस्तै त्रिवेणीको अध्यक्षमा रेशम पुन र उपाध्यक्षमा भागीसरा खत्री तथा रुण्टीगढीको अध्यक्षमा गोविन्द पुन र उपाध्यक्षमा कौशिला जिसीलाई उम्मेदवार बनाउने निर्णय भएको छ।

यसअघि माओवादीले रोल्पाका एक नगरपालिका सहित ७ स्थानीय जितेको थियो। यस्तै एमालेले दुई र काँग्रेसले एक स्थानीय तह जितेको थियो। रोल्पामा कुल १० स्थानीय तह छन्।