२४ घण्टामा १५ जिल्लामा आगलागीका घटना

काठमाडौं- पछिल्लो २४ घण्टामा नेपालको १५ जिल्लाका १८ स्थानमा आगलागीका घटना भएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार उक्त आगलागीमा परि एकजना सामान्य घाइते भएका छन् भने ७१ लाख २० हजार रुपैयाँबराबरको धनमाल क्षति भएको छ ।

यो तथ्यांक यही वैशाख ३ गते बिहान १० बजेदेखि वैशाख ४ गते बिहान १० बजेसम्मको भएको प्राधिकरणले जनाएको छ । त्यसक्रममा ३१ चौपाया क्षति भएको जनाइएको छ ।