६ सय मत गणना गर्दा देउवाको सुरुवाती अग्रता

काठमाडौं-नेपालीको कांग्रेसको सभापतिका मतगणना सुरु भएको छ । १४औं महाधिवेशनअन्तर्गत भएको मतदानको मतगणना साढे चार बजेबाट सुरु भएको थियो । प्रारम्भिक मतपरिणाममा वर्तमान सभापति एवं प्रधानमन्त्री शेरबहादुर देउवाले अग्रता लिएका छन् ।

६००मत गन्दा शेरबहादुर देउवाले २८८ मत प्राप्त गरेका छन् भने शेखर कोइरालाले २१२, प्रकाशमान सिंहले ४१ विमलेन्द्र निधिले ३९ कल्याण गुरुङले ४ मत पाएका छन्।

मतगणना जारी छ । सभापति हुन खसेको मतको ५० प्रतिशत मत प्राप्त गर्नुपर्ने हुन्छ । ४७४३ प्रतिनिधि रहेको कांग्रेसमा चार हजार ६८० मत खसेको थियो ।