बागमती कांग्रेस सभापतिमा बानियाँको जित निश्चित

मकवानपुर-नेपाली कांग्रेसको १४औँ महाधिवेशनअन्तर्गत बागमती प्रदेशमा सभापतिका लागि तीन जनाको उम्मेद्‌वारी परेको छ ।

प्रदेश राजधानी हेटौंडामा जारी अधिवेशनमा सभापतिका लागि ईन्द्रबहादुर बानियाँ, भीमसेनदास प्रधान र गोविन्दराज जोशीको मनोनयन दर्ता भएको हो ।

मनोनयन तीन जनाको परे पनि बानियाँको बिजय निश्चित रहेको कांग्रेस कार्यकर्ताले ठोकुवा गरेका छन। कार्यकर्ता माझ लोकप्रीय रहेका बानियाँलाई प्रधानमन्त्री तथा सभापति शेरबहादुर देउवा विश्वासपात्र हुन् ।

बागमती प्रदेशको भावी मुख्यमन्त्रीको रुपमा हेरिएका बानियाँ पूर्व गृह राज्यमन्त्री समेत हुन्।

उनलाई पूर्वमन्त्रीहरु, सांसदहरु, केन्द्रीय सदस्यहरु र विभिन्न जिल्लाका सभापतिहरु लगायत हजारौं कार्यकर्ताको समर्थन रहेको छ।

प्रदेश निर्वाचन समितिका संयोजक केशवप्रसाद काफ्लेका अनुसार सभापतिमा अहिले बिहान ९ बजेदेखि मतदान हुदैछ ।