कोरियामा ओमिक्रोन भेरियन्टको सामुदायिक संक्रमणको खतरा

सोल- दक्षिण कोरियामा कोभिड-१९ को ओमिक्रोन भेरियन्टका केसहरू पुष्टि भएसंगै स्वास्थ्य अधिकारीहरू पूर्ण सतर्कतामा गएका छन् ।

केही पुष्टि भएका बिरामीहरू आफ्नो दैनिक जीवनमा गएका थिए र उनीहरूले सकारात्मक परीक्षण गर्नु अघि केही दिन अरूलाई भेटेका थिए ।
ओमिक्रोन भेरियन्ट उनीहरूको स्थानीय समुदायहरूमा फैलिएको हुन सक्ने अधिकारीहरूको अनुमान छ ।

कोरियामा बुधवार पहिलो ओमिक्रोन संक्रमण पुष्टि गरेको थियो । संक्रमण पुष्टिभएका हरु मध्ये नाइजेरियाको भ्रमण गरेर इन्चियोन फर्केका एक विवाहित दम्पती, उनीहरूको साथी जसले उनीहरूलाई एयरपोर्टबाट घरसम्म पुर्याएका थिए र ग्योन्गी प्रान्तमा ५० वर्षका दुई महिलाहरु रहेका छन् ।

विवाहित दम्पतीको छोरामा पहिले नै कोभिड-१९ को संक्रमण पुष्टि भइसकेको भएपनि फेरी ओमिक्रोन भेरियन्टबाट संक्रमित भएको पुष्टि भयो । त्येस्तै उनीहरुको साथीको श्रीमती र सासु र अर्का चिनेजानेका व्यक्तिलाई पनि कोभिड-१९ पोजेटिभ देखिएको थियो । उनीहरु ओमिक्रोन भेरियन्टबाट संक्रमित हुने सम्भावना धेरै रहेको स्वास्थ्य अधिकारीहरूले बताएका छन् ।