पाँचथर-काठमाडौ जनसम्पर्क मञ्चको अधिवेशन मंसिर ४ मा

काठमाडौं-नेकपा (माओबादी केन्द्र) ले उपत्यकामा रहेका पार्टी सदस्यहरुको सम्पर्क र सम्वन्धलाई उत्साहजनक रुपमा बिस्तार गरेको छ ।

सम्पर्क समिति अन्तर्गतको जिल्ला कमिटीले २ सय ५० को हाराहारीमा सदस्यता नविकरण र बितरण गरेको थाहा भएको छ ।

दशैं तिहार र प्राकृतिक प्रकोपको बीचमा भएको सदस्यता बितरणको कार्यमा अन्तिम दिन २५ गते साँझ ५ बजेसम्ममा २१९ सदस्यता कम्प्युटर ईन्ट्री भएकोमा थप गरिएको अवधिमा पनि ईन्ट्री गर्ने कार्य भईरहेको सो कार्यको जिम्मेवारी लिएका उपाध्यक्ष भक्त पयाङ्गुले जानकारी दिए |

यसैबीच,पाँचथर-काठमाडौ जिल्ला सम्पर्क समिति (जनसम्पर्क मञ्च) को अधिवेशन आउँदो मंसिर ४ गते शनिबार हुने भएको छ। सम्मेलनलाई  पार्टीका संगठन बिभाग प्रमुख तथा अर्थ मन्त्री जनार्दन शर्म ‘प्रभाकार’ले सम्बोधन गर्ने प्रचार संयोजक बिन्देश्वर खनालले बताए।

यसैबीच,सम्मेलनको उदघाटन शत्रमा च्याब्रुङ (के:लाङ) नाँच सहित विभिन्न साँस्कृतिक झाँकी,कलाकार र साहित्यकारहरुको प्रस्तुति रहने र जेष्ठ नागरिक,घाईते,आपाङ तथा बेपत्ता परिवार र कम्युनिष्ठ आन्दोलनमा बिशिष्ठ योगदान पुर्याएका पाँचथरबासिहरुलाई सम्मान गरिने योजना  पनि  रहेको छ |

आयोजक समितिले परिवर्तन र समाजबाद पक्षधरहरुलाई सक्रिय सहभागितका लागि सार्वजनिक आह्वान समेत गरेको छ ।

सुकेधाराको नवदुर्गा पार्टी प्यालेसमा दिनको ११:३० बजेदेखि हुने सम्मेलनलाई सफल पर्न विभिन्न उप-समितिहरु गठन गरिएका छन्।