दक्षिण कोरियाको घरेलु ऋण सबैभन्दा उच्च

सोल- विश्वका धनी मुलुकहरुमध्ये कूल गार्हस्थ्य उत्पादन (जीडीपी) मा घरेलु ऋणको अनुपात दक्षिण कोरियाको सबैभन्दा उच्च रहेको सोमबार प्रकाशित एक प्रतिवेदनले देखाएको छ।

इन्टरनेशनल फाइनान्स इन्स्टिच्युटको प्रतिवेदनअनुसार यस वर्षको जुन अन्त्यसम्ममा देशको घरायसी ऋण कुल गार्हस्थ्य उत्पादनको १०४.२ प्रतिशत रहेको छ, जुन संसारका ३७ धनी देशहरु मध्ये सबैभन्दा उच्च हो।

अन्य देशहरुमा हङकङ ९२ प्रतिशत, बेलायत ८९.४ प्रतिशत, अमेरिका ७९.२ प्रतिशत, थाइल्याण्ड ७७.५, मलेसिया ७३.४ र जापान ६३.९ प्रतिशत रहेको छ ।

दक्षिण कोरियाको अनुपात एक वर्ष अघिको तुलनामा ६ प्रतिशत बिन्दुले बढेको थियो, जुन सबैभन्दा द्रुत वृद्धि दर पनि हो।

ती अर्थतन्त्रहरूमध्ये दक्षिण कोरिया एक मात्र देश हो जसको आर्थिक आकारभन्दा बढी घरेलु ऋण छ।

दक्षिण कोरियाले कोभिड-१९ महामारीबाट खस्केको अर्थतन्त्रलाई उकास्न विभिन्न कार्यक्रमहरु घोषण गरेको छ । उसले घरेलु ऋण रोक्न समेत प्रयास गरिरहेको छ।

प्रतिवेदनले दक्षिण कोरियाली कम्पनीहरूको ऋण अनुपात पनि वर्षको दोस्रो त्रैमासिकमा ११५ प्रतिशतमा आएको देखाएको छ। जुन अन्य मुलुक हरु मध्ये पाँचौं उच्च हो।हङकङ सबैभन्दा बढी २४७ प्रतिशत रहेको छ भने चीन १५७ दशमलव ६ प्रतिशत र सिंगापुर १३९.३ प्रतिशत रहेको छ।