दक्षिण कोरियामा भूकम्प

सोल-दक्षिण कोरियामा शुक्रबार बिहान भूकम्प गएको छ।

त्यहाँको मौसम बिभागले अनुसार शुक्रबार बिहान १ बजेर ३१ मिनेट जाँदा दक्षिणपूर्वी सहर पोहाङमा २.१ म्याग्निच्युडको भूकम्प गएको हो।

भूकम्पले कुनै पनि क्षति नभएको राज्यको मौसम विभागले जनाएको छ ।

कोरिया मौसम विज्ञान प्रशासनका अनुसार, सोलबाट करिब ३७५ किलोमिटर दक्षिणपूर्व, पोहाङको बुक वार्ड अफिसबाट करिब १२ किलोमिटर उत्तरमा रहेको क्षेत्रमा भूकम्प गएको हो ।

भूकम्पको केन्द्रविन्दु ८ किलोमिटर गहिराइमा थियो ।

२०१७ मा, पोहाङमा ५.४ म्याग्निच्युडको भूकम्प गएको थियो, जसले गर्दा त्यस वर्षको राज्य-शासित कलेज प्रवेश परीक्षा एक हप्ताको लागि स्थगित भएको थियो । प्राकृतिक प्रकोपका कारण सन् १९९३ देखि वार्षिक परीक्षा ढिलो भएको यो पहिलो पटक हो ।