दक्षिण कोरियामा बिदेशी कामदारको चरम अभाव

सोल – दक्षिण कोरियाको कृषि क्षेत्रमा बिदेशी कामदारको चरम अभाव देखिएको छ।

गत बर्ष देखि शुरु भएको कोरोना भाइरसका कारण यहाँ आउने बिदेशी कामदारको आपूर्ती नभएपछि कृषि क्षेत्रलाई आवश्यक दक्ष अदक्ष बिदेशी कामदारको अभाव देखिएको हो।

यस बिषयमा योन्ह्यप समाचार समितिले लामो फिचर प्रकाशित गरेको छ।

फिचर अनुसार कोरोना शुरु हुनु अघि त्यहाँका किसान खुशी थिए र कृषि व्यवसायका एकदमै उज्यालो देखिन्थ्यो । तर आहिले व्यवसायीहरु आफ्नो ब्यबसाय निरन्तरता दिनेमा दोधार बन्दै गएका छन्।

फिचार्मा एक कृषि व्यवसायी भन्छन “हामीले प्रत्येक महिना कम्तीमा ९ हजार किलो तरकारी बेचे मात्र केहि पैसा बचाउन सक्छौ । गत महिना हामीले ४ हजार ८ सय केजी मात्रै बेच्न सकेका थियौं।”

कोरोना महामारीले बिदेशी कामदारहरुको अभाव हुने बितिकै माग र ज्याला बढेकोले पनि कृषि व्यावसायी मार्कामा परेका हुन् । ती ब्याबसायी भन्छन -‘एक पटक नौ जना कामदार थिए । तर चार जना बढी तलब पाउने कम्पनीतिर गएपछि आहिले पाच कामदार मात्रै रहेका छन् ।’

दक्षिण कोरियाले तीन प्रकारका बिदेशी कामदार ल्याउने नियमहरु छन् । जस अन्तर्गत १६ एसियाली देशका कामदारहरूलाई ई-८,ई-९ र सी-४ भिसा अन्तर्गत माछा मार्ने, खेती गर्ने र उत्पादन गर्ने जस्ता कम सीप भएका म्यानुअल कामका क्षेत्रमा काम गर्न अनुमति दिइन्छ ।

यो नियमले किसानहरूलाई सस्तो मूल्यमा श्रम उपलब्ध गराउने उद्देश्य राखेको छ ।

२०१९ मा नेपाल, पाकिस्तान, चीन र कम्बोडिया सहित एशियाली देशहरुबाट करीव ९ हजार कामदारहरुलाई सो कार्यक्रमको माध्यमबाट रोजगारीमा राखिएको थियो । तर, महामारीविरुद्धको सीमा नियन्त्रण बलियो भएकाले यो वर्षको जनवरीदेखि अगस्टसम्म संख्या ८२ प्रतिशतले घटेर १ हजार ५९० पुगेको छ ।

आप्रवासी कामदारहरूको यो निरन्तर अभावले कृषि श्रमको आपूर्ति-माग असंतुलन सिर्जना गरिरहेको छ, जसले कामदारको लागतमा वृद्धि भएको छ ।

बिदेशी श्रमिक अभावले कृषि उत्पादनको समग्र उत्पादनलाई कमजोर पारेको छ। यसले खाद्यान्नको मूल्यमा वृद्धि गरेको छ र अर्थतन्त्रमा मुद्रास्फीतिको दबाब थपेको सो फिचरमा उल्लेख गरिएको छ।