आजको मौसम : केही स्थानमा वर्षाको सम्भावना

काठमाडौँ- जल तथा मौसम विज्ञान विभागले अहिले देशका अधिकांश स्थानमा आंशिकदेखि सामान्य बदली रहेको जनाएको छ । विभागका अनुसार हाल गण्डकी, लुम्बिनी तथा कर्णाली प्रदेशका केही स्थानमा सामान्य वर्षा भइरहेको छ ।

आज दिउँसो देशभर आंशिकदेखि सामान्य बदली रही अपराह्नतिर केही स्थानमा मेघ गर्जनसहित हल्कादेखि मध्यम वर्षाको सम्भावना रहेको छ ।

आज राति देशभर आंशिकदेखि सामान्य बदली रही थोरै स्थानमा वर्षाको सम्भावना रहेको विभागले जनाएको छ ।

वर्षासँगै केही पहाडी भू–भागमा पहिरो तथा गेग्रान बहावको जोखिम रहेको छ । नदीनाला र खहरे खोलामा पानीको सतह बढ्न सक्ने भएकाले सतर्क रहनसमेत विभागले आग्रह गरेको छ ।