आज पनि एमाले केन्द्रीय कमिटी बैठक

काठमाडौँ- आज पनि नेकपा एमालेको केन्द्रीय कमिटी बैठक बस्दैछ ।

शुक्रबारबाट ललितपुरको च्यासलस्थित तुलसीलाल प्रतिष्ठानमा सुरु भएको बैठकमा असोज १५, १६ र १७ गते हुन गइरहेको विधान महाधिवेशनका लागि राजनीतिक, सांगठनिक र विधान संशोधनसम्बन्धी प्रस्तावमाथि छलफल भइरहेको छ ।

विधान महाधिवेशनमा पेश गरिने ति प्रस्तावमा छलफल गर्न गठित दशबटा समूहले छलफल गरेपछि टोली नेताले आजको बैठकमा रिपोर्ट प्रस्तुत गर्नेछन् ।

यसअघि एमाले स्थायी कमिटीको बैठकमा सदस्यहरुले राखेको सुझावसहितको मस्यौदा प्रतिवेदनमाथि केन्द्रीय कमिटीको बैठक छलफल भइरहेको हो ।

एमाले पार्टी केन्द्रीय कार्यालय सचिव शेरबहादुर तामाङले बैठकले यी प्रतिवेदनमाथि छलफल गरी पारित गर्ने जानकारी दिएका छन् ।