कोरोना महामारीकै बेला निपाह भाइरसको त्रास

काठमाडौँ- कोरोना महामारीकै बेला निपाह भाइरसको त्रास पनि थपिएको छ । महामारी ल्याउन सक्ने १० प्राणघातक रोगभित्र विश्व स्वास्थ्य संगठन (डब्लूएचओ) ले यसलाई राखेको छ । निपाहको जोखिम नेपालमा उच्च रहेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले बताएका छन् ।

सहप्रवक्ता डा. अधिकारीले भने, “छिमेकी मुलुकमा संक्रमण पुष्टि भइसकेको छ । भारतबाट संक्रमित चमेरो, फलफूल खान नेपालको तराई आउन सक्छ । फलफूल खाने फ्रुट ब्याट प्रजातिको संक्रमित चमेरोले यो भाइरस सार्ने पाइएको छ ।”

निपाहबाट हुने मृत्युदर कोभिड–१९ को तुलनामा उच्च रहेको डा. अधिकारीले बताएका छन् । जसको मृत्युदर ४५ देखि ७५ प्रतिशत छ ।

भारतको दक्षिणी राज्य कोरलामा एक नर्ससहित १० जनाको ज्यान गइसकेको त्यहाँका स्वास्थ्य सचिव राजीव सदानन्दनले बताएका छन् । भारतीय सञ्चारमाध्यमका अनुसार मृतकको संख्या १२ पुगेको छ ।