देउवाले बोलाए कांग्रेसको पदाधिकारी बैठक

काठमाडौँ- प्रधानमन्त्री एवं नेपाली कांग्रेसका सभापति शेरबहादुर देउवाले पार्टीको पदाधिकारी बैठक बोलाएका छन् ।

आसन्न महाधिवेशन, मन्त्रिपरिषद् विस्तार तथा पार्टीको आन्तरिक गतिविधिको विषयमा छलफल गर्न उनले आज (बुधबार) का लागि बैठक बोलाएका हुन् । बैठक दिउँसो ३ बजे सभापति निवास बूढानीलकण्ठमा बस्दै छ ।

देउवाको सचिावालयले बैठकमा मन्त्रिपरिषद् विस्तार र महाधिवेशनका विषयमा छलफल हुने जनाएको छ ।

मंगलबार साँझ बालुवाटारमा बसेको सत्तारुढ गठबन्धनका शीर्ष नेताहरुको बैठकले बुधबार मन्त्रिपरिषद् विस्तार गर्ने निर्णय गरेको थियो ।