आज एमाले स्थायी कमिटी बस्दै

काठमाडौँ- नेकपा एमालेको स्थायी कमिटी बैठक बस्दै छ ।

आज दिउँसो १:०० बजे ललितपुरको च्यासलस्थित तुलसीलाल स्मृति प्रतिष्ठानको भवनमा स्थायी कमिटी बैठक बस्न लागेको पार्टी कार्यालय सचिव शेरबहादुर तामाङले जानकारी दिएका छन् ।

उनले बैठकमा विधान महाधिवेशन तयारी र समसामयिक राजनीतिक घटनाक्रमबारे छलफल हुने बताएका छन् ।

एमालेले असोज १५ गतेदेखि १७ गतेसम्म विधान महाधिवेशन गर्दैछ । विधान संशोधनसम्बन्धी प्रस्ताव, राजनीतिक प्रतिवेदन, सङ्गठनात्मक प्रतिवेदनलगायत प्रतिवेदन तयार पार्न छलफल भइरहेका छन् ।