आजदेखि कक्षा १२ को परीक्षा सुरु हुँदै

काठमाडौँ- आजदेखि कक्षा १२ को परीक्षा सञ्चालन हुने भएको छ ।

राष्ट्रिय परीक्षा बोर्ड, परीक्षा नियन्त्रण कार्यालय, सानोठिमीले यसअघि स्थागित गरिएको कक्षा १२ को परीक्षा आजबाट सञ्चालन हुन लागेको हो । परीक्षा नियन्त्रण कार्यालयले प्रकाशित गरेको सूचना अनुसार परीक्षा सम्बन्धित विद्यालयमै हुनेछ । र, विहान ११ बजेदेखि २ बजेसम्म परीक्षा सञ्चालन हुने छ ।

नेपाल सरकारले तोकेको स्वास्थ्य मापदण्ड र सामाजिक दुरी पालना गरी परीक्षा केन्द्रले परीक्षा संचालन गर्नुपर्ने छ । सरकारले १८ वर्ष पुगेका १२ का विद्यार्थीलाई खोप लगाएको छ ।

बोर्डका सदस्यसचिव दुर्गा अर्यालले परीक्षा असोज ८ गतेसम्म संचालन हुने जानकारी दिएका छन् । यसअघि साउन ३१ गतेबाट हुने भनिएको परीक्षा साउन २३ मा दोस्रोपटक स्थगित गरिएको थियो । यसअघि बैशाखमा परीक्षा गर्ने तयारी थियो ।