आजको मौसम : केही ठाउँमा भारी वर्षाको सम्भावना

काठमाडौँ – मौसमविद्का आनुसार आज प्रदेश-१ र गण्डकी प्रदेशका एक/दुुई ठाउँमा मेघगर्जन सहित ठूलो पानी पर्ने जानकारी दिएका छन् । मौसमविद् निराजन सापकोटाले प्रदेश-१ मा दिउँसो र गण्डकी प्रदेशमा बेलुकापछि ठूलो पानी पर्ने बताए ।

मनसुनी गतिविधि केही कमजोर भएसँगै देशका अरु ठाउँमा भने हल्कादेखि मध्यमखालको मात्रै वर्षा हुने मौसमविद् सापकोटाले बताएका छन् ।

काठमाण्डौ उपत्यकासहित धेरै ठाउँमा घाम लाग्ने छ । बेलुका भने काठमाण्डौ उपत्यकामा हल्का पानी पर्न सक्ने अनुमान गरिएको छ ।