प्रधानमन्त्री देउवा र प्रचण्डबीच मन्त्रिपरिषद् विस्तारबारे छलफल

काठमाडौँ- प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बीच शनिबार विहान प्रधानमन्त्री देउवा र प्रचण्डबीच सरकारलाई पूर्णता दिनेबारे छलफल गर्न भेटवार्ता भएको छ ।

बुधबार निर्वाचन आयोगले नेकपा एमालेबाट विभाजित भएर बनेको नेकपा एकीकृत समाजवादीका नेताहरुको सनाखत गर्दै पार्टी दर्ताको प्रमाणपत्र दिएसँगै प्रधानमन्त्री देउवा र प्रचण्डबीच सरकार विस्तारबारे छलफल भएको हो ।

माधवकुमार नेपाल नेतृत्वको नेकपा (एकीकृत समाजवादी) को दर्ता सकिए लगत्तै मन्त्रिपरिषद् विस्तार हुने प्रचण्डले यसअघि बताएका थिए ।

नेपाली कांग्रेसका सभापति शेरबहादुर देउवा नेतृत्वमा सरकार गठन भएको करिब डेढ महिना हुनै लाग्दा सरकारले पूर्णता पाउन नसक्दा आलोचना भइरहेको छ ।