प्रदेश १ का मुख्यमन्त्री राईले दिए संसदीय दलको नेताबाट राजीनामा

काठमाडौँ- प्रदेश १ का मुख्यमन्त्री शेरधन राईले राजीनामा दिने भएका छन् ।

बिहीबार बसेको नेकपा एमाले प्रदेश १ को संसदीय दलको बैठकमा उनले दलको नेताबाट राजीनामा दिएका छन् । उनले संसदीय दलको नेताबाट राजीनामा दिएसँगै भीम आचार्यलाई संसदीय दलको नेता चयन गरेका छन् ।

उनले बैठकपछि पार्टी एकताको सर्वोत्तम कुरालाई ध्यानमा राखेर आफूले संसदीय दलको नेताबाट राजीनामा दिएको बताएका छन् ।

उनले भने, “पार्टी एकतालाई ध्यानमा राखेर आगामी परिस्थितिलाई सामना गर्न, एमालेको प्रभाव र वर्चस्वलाई कामय गर्ने, सरकारलाई जस्ताको तस्तै सुरक्षित ढंगले अगाडि बढाउने उद्देश्यलाई ध्यानमा राखेर संसदीय दलमा संसदीय दलको नेताबाट राजीनामा गरेको छु । भीम प्रसाद आचार्य मेरो आफ्नै प्रस्तावमा दलको नेतामा चयन हुनुभएको छ। भावी मुख्यमन्त्रीको रुपमा उनलाई दलले प्रस्ताव गर्ने छ।”