औषधिको मूल्य बढाउने सरकारी तयारी

काठमाडौँ- औषधिको मूल्य बढाउने सरकारले तयारी गरेको छ । आज मूल्य परिमार्जनका लागि औषधि व्यवस्था विभागमा बैठक बस्न लागेको छ । विभागले आज दिउसो १ बजे औषधि मूल्य अनुगमन समितिको बैठक बोलाएको हो ।

बैठकमा औषधिहरुको मूल्य परिमार्जन, संशोधन गर्ने, मूल्य निर्धारण कार्यविधि र मूल्य निर्धारण नभएका औषधिको मूल्य निर्धारण गर्ने विषयमा छलफल हुनेछ ।

विभागले नेपाल औषधि उत्पादक संघ, नेपाल औषधि व्यवसायी संघ, नेपाल फर्मास्युटिकल्स एसोसियसन र उपभोक्ता जागरण तथा हित संरक्षण मञ्चलाई बैठकमा बोलाएको छ ।