पहिरोमा पुरिएर एकको मृत्यु

त्रिशूली- नुवाकोटको बेलकोटगढी नगरपालिका–५ लामाचौरमा पहिरोले पुरिएर एक जनाको मृत्यु भएको छ ।

जिल्ला प्रहरी कार्यालयका प्रमुख तुलबहादुर कार्कीले घर माथिबाट खसेको पहिरो पन्छाउने क्रममा ४३ वर्षका विष्णुप्रसाद लामिछानेको घटनास्थलमा नै मृत्यु भएको जानकारी दिएका छन् ।

बिहान साढे दुई बजेतिर घरको करेसामा माथिबाट आएको माटोे पन्छाउने क्रममा थप खसेको पहिरोमा पुरिएर ज्यान गुमाएका लामिछानेको शव परीक्षणका लागि त्रिशूली अस्पतालमा ल्याउन लागिएको छ । पहिराले घरसमेत जोखिममा परेको जनाइएको छ ।