पहिरो खस्दा महाकाली राजमार्ग अवरुद्ध

बैतडी- महाकाली राजमार्ग पहिरो खस्दा अवरुद्ध भएको छ ।

बैतडीको सतबाँझ-गोकुलेश्वर सडकखण्डको धरमघरमा पहिरो खस्दा सवारीसाधन आवतजावत बन्दा भएको हो ।

बैतडीका प्रहरी प्रवक्ता, प्रहरी निरीक्षक बोधराज ओझाले आज बिहानै सडक माथिबाट खसेको पहिरोले राजमार्ग अवरुद्ध भएको जानकारी दिएका छन् ।

अवरुद्ध राजमार्ग खुलाउने प्रयास भइरहेपनि वर्षाका कारण प्रभावित भएको छ । राजमार्ग पूर्ण रूपमा अवरुद्ध हुँदा सवारीसाधन रोकिएपछि यात्रुहरू अलपत्र परेका छन् ।

प्रहरी जवान मोहन विष्टले सडक विस्तारको काम चलिरहेको उक्त सडकखण्डमा बेलाबेला पहिरो खस्ने गरेको अस्थायी ट्राफिक प्रहरी पोष्ट सतबाँझका बताएका छन् ।

पहिरोका कारण यो राजमार्ग लगातार अवरुद्ध हुने गरेको छ । गत असारदेखि हालसम्म पहिरोका कारण उक्त क्षेत्रमा १५ भन्दा बढी पटक सडक अवरुद्ध भएको ट्राफिक प्रहरीले जनाएको छ ।