सुनको मूल्य स्थिर

काठमाडौँ- मंगलवार सुनको मूल्य नेपाली बजारमा स्थिर रहेको छ। नेपाल सुनचाँदी व्यवसायी महासंघले अघिल्लो कारोबार दिन सोमवार १ सय रुपैयाँले घटेको सुनको भाउ मंगलवार स्थिर रहेको जनाएको छ ।

महासंघले मंगलवार छापावाला सुन प्रतितोला ९२ हजार ३ सय रुपैयाँमा कारोबार भएको जनाएको छ ।

मंगलबार तेजाबी सुन प्रतितोला ९१ हजार ८ सय रुपैयँमा कारोबार भइरहेको महासंघले जनाएको छ ।

मंगलवार चाँदीको मूल्य भने घटेको छ । सोमवार प्रतितोला १२ सय ८५ मा कारोबार भएको चाँदीको मूल्य मंगलवार १० रुपैयाँले घटेको हो ।

मंगलबार चाँदी १२ सय ७५ रुपैयाँमा किनबेच भइरहेको महासंघले जनाएको छ ।