भारतमा एकै दिन थपिए ४०,७८४ संक्रमित

नयाँ दिल्ली- पछिल्लो २४ घण्टामा भारतमा ४० हजार ७८४ जना कोरोना भाइरस संक्रमित थपिएका छन् । यस्तै‚ सोही अवधिमा ४२४ जना संक्रमितको मृत्यु भएको छ ।

यस्तै‚ पछिल्लो २४ घण्टामा इरानमा ३२ हजार ५००‚ इन्डोनेसियामा ३० हजार ७००, बेलायतमा २४ हजार ४००, रसियामा २२ हजार, अमेरिकामा २१ हजार, टर्कीमा २० हजार ८०० र ब्राजिलमा २० हजार ५०० जना कोरोना संक्रमित फेला परेका छन् । यससँगै विश्वभर ४ लाख ६० हजारभन्दा बढी संक्रमित थपिएका छन् ।

यो अवधिमा इन्डोनेसियामा १ हजार ६०४, रसियामा ७८९, मेक्सिकोमा ४५० तथा ब्रजिलमा ४४९ सहित विश्वभर ७ हजार १७३ जना कोरोना संक्रमितले ज्यान गुमाएका छन् । यो सहित कोरोनाबाट विश्वभर मृत्यु हुनेको कुल संख्या ४३ लाख ३९ हजार ६०० पुगेको छ ।