ओली अहिले विक्षिप्त, उनको यो छटपटाहट धेरै दिन रहन्न : प्रचण्ड

काठमाडौँ- नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एमालेका वरिष्ठ नेता माधव कुमार नेपालबीच भेटवार्ता भएको छ ।

शनिबार बिहान दुई नेताबीच कोटेश्वरस्थित नेता नेपालको निवासमा भेटवार्ता भएको हो ।

प्रचण्ड शनिबार नेपाल कम्युनिस्ट पार्टीका संस्थापक नरबहादुर कर्मचार्यको ८ औं स्मृति दिवसको अवसरमा पार्टी कार्यालय पेरिसडाँडामा आयोजित कार्यक्रममा सहभागी हुनु अघि नेता नेपालको निवासमा पुगेका थिए । आफू नेता नेपालसँग छलफल गरेर आएको प्रचण्डले कार्यक्रममा जानकारी दिएका छन् ।

सत्ताबाट बाहिरिएसँगै केपी शर्मा ओली विक्षिप्त बनेको प्रचण्डको भनाइ थियो । प्रचण्डले भने, “केपी ओली अहिले विक्षिप्त छन् । कहिले बालकोटको बार्दलीमा छटपटाउछन् । उनको यो छटपटाहट धेरै दिन रहन्न ।”