प्रधानमन्त्री देउवाको खोप केन्द्र बढाउन निर्देशन

काठमाडौँ- आवश्यकता अनुसार खोप केन्द्र बढाएर सहज वातावरण बनाउन मुख्य सचिव र स्वास्थ्य सचिवलाई प्रधानमन्त्री शेरबहादुर देउवाले निर्देशन दिएका छन् ।

मुख्य सचिव शंकरदास बैरागी र स्वास्थ्य तथा जनसंख्या मन्त्री लक्ष्मण अर्याललाई देउवाले खोप केन्द्रमा लामो लाइन लागेकाले जनलाई असहज बनेको भन्दै यस्तो निर्देशन दिएका हुन् ।

आवस्यकता अनुसार खोप केन्द्रहरु बढाएर स्वास्थ्य मापदण्डको पूर्ण पालना गर्दै खोप लगाउने प्रवन्ध मिलाउन देउवाले निर्देशन दिएको प्रधानमन्त्रीको स्वकीय सचिवालयले जानकारी दिएको छ ।

स्वास्थ्य मन्त्रालयको जिम्मेवारी प्रधानमन्त्री देउवाले नै सम्हालिरहेका छन् । सरकारले पछिल्लो पटक कोरोनाविरुद्धको भेरोसेल खोप ५५ वर्ष र सो भन्दा माथि उमेर समूहका नागरिक, सार्वजनिक यातायातमा कार्यरत चालक, सहचालक, शिक्षक शिक्षिका, विदेश जाने नागरिक, सरकारले तोकेको अत्यावश्यक सेवाका व्यक्तिलाई लगाइरहेको छ ।

यस्तै जोनसन एण्ड जोनसोन खोप ५० देखि ५४ वर्ष उमेर समूहका नागरिक, पूर्व अति अशक्त, अपांगता भएका व्यक्ति, नेपालमा बसिरहेका सरणार्थी, स्वास्थ्य तथा सरसफाइकर्मीलाई लगाइरहेको छ । खाेप केन्द्रमा लामाे समय लाइनमा बस्नुपर्ने बाध्यता छ ।