विहान ९:५७ को साइतमा प्रधानमन्त्री देउवा बालुवाटार सर्ने

काठमाडौँ- आज प्रधानमन्त्री शेरबहादुर देउवा सरकारी निवास बालुवाटार सर्दै छन् ।

बुधबार निवर्तमान प्रधानमन्त्री केपी शर्मा ओलीले बालुवाटार छाडेसँगै देउवा आज बुढानिलकण्ठबाट बालुवाटारस्थित प्रधानमन्त्रीको सरकारी निवासमा सर्न लागेका हुन् । स्रोतका अनुसार प्रधानमन्त्री देउवा विहान ९:५७ बजेको शुभ साइतमा बालुवाटार सर्ने छन् ।

सर्वोच्च अदालतको संवैधानिक इजलासले सोमबार संसद पुन स्थापना गर्दै देउवालाई प्रधानमन्त्री नियुक्त गर्न परमादेश जारी गरेपछि देउवाले मंगलबार राति राष्ट्रपति विद्यादेवी भण्डारीबाट पद तथा गोपनियताको शपथ लिएका थिए । प्रधानमन्त्रीको शपथ लिएपछि उनी बुढानीलकण्ठस्थित निवासमै बस्दै आएका थिए ।