आज कांग्रेस पदाधिकारी बैठक बस्दै

काठमाडौँ- आज बिहीबार नेपाली कांग्रेसको पदाधिकारी तथा पूर्व पदाधिकारीको बैठक बस्ने भएको छ।

नेपाली कांग्रेस केन्द्रीय कार्यालयका मुख्य सचिव कृष्ण पौडेलका अनुसार बैठक आज दिउँसो २ बजे बोलाइएको हो । प्रधानमन्त्री तथा पार्टी सभापति शेरबहादुर देउवाले पार्टीको १४ औै महाधिवेशनको छलफलका लागि बैठक बोलाएका हुन् । बैठकमा पार्टीको महाधिवेशनको तयारीको विषयमा सम्बधित भएर छलफल हुने छ ।

मुख्य सचिव पौडेलले पार्टीको केन्द्रीय निर्वाचन समितिले निर्वाचन निर्देशिका तयारी गरिरहेको त्यस विषयमा नेताहरुबीच छलफल हुने बताएका छन् ।

त्यस्तै, पौडेलले निर्वाचन निर्देशिका निर्माण भइरहेको र त्यसमा केही कमिकमजोरी र विधानका विषयमा समस्या देखिए आजको पदाधिकारी बैठकमा छलफल हुने जानकारी दिएका छन् । बैठकमा समसामयिक राजनीतिक विषयमा पनि छलफल हुने बताइएको छ ।