एमाले अध्यक्ष ओली र वरिष्ठ नेता नेपालबीच भेटवार्ता तयारी

काठमाडौँ- नेकपा एमालेका अध्यक्ष केपी शर्मा ओली र वरिष्ठ नेता माधव कुमार नेपालबीच भेटवार्ताको तयारी गरिएको छ ।

एमाले स्थायी कमिटी सदस्य सुवास नेम्बाङका अनुसार आज बस्ने स्थायी कमिटी बैठक अगाडी दुई नेताबीच भेटवार्ता हुने छ । अध्यक्ष ओलीले नेता नेपाललाई टेलिफोन गरेर भेटका लागि प्रस्ताव गर्ने र त्यसपछि भेटको समय तय हुने नेम्बाङले जानकारी दिएका छन् ।

नेम्बाङले नेता नेपाललाई भेटेपछि आज स्थायी कमिटी बैठक पनि बस्ने बताएका छन् । आजको स्थायी कमिटी बैठकमा गएराति एकता विवाद समाधानका लागि बसेको कार्यदलको बैठकले गरेका सहमती पत्रको अनुमोदन गर्ने नेता नेम्बाङको भनाइ छ ।

अध्यक्ष ओलीले भोलिका लागि एमाले केन्द्रीय कमिटी पनि बोलाएका छन् ।