नारायणगढ-मुग्लिन सडकखण्ड पहिरोले अवरुद्ध

चितवन- पहिरो खस्दा नारायणगढ–मुग्लिन सडकखण्डको दुई स्थानमा सडक अवरुद्ध भएको छ । चार किलो र इच्छाकामना गाउँपालिका–६ पाँचकिलोमा पहिरो जाँदा सडक अवरुद्ध भएको हो ।

शुक्रबार बिहान साढे ५ बजे पहिरो खसेको सूचना आएसँगै त्यसतर्फ प्रहरी परिचालन गरिएको जिल्ला प्रहरी कार्यालय चितवनले जनाएको छ । कार्यालयले पहिरो पन्छाउने काम सुरु भएको र दुईदेखि तीन घण्टाभित्र पहिरो पन्छाई सकिने जनाएको छ ।

बिहीबार सोही सडकको विभिन्न स्थानमा पहिरो खस्दा सडक अवरुद्ध भएको थियो ।