कांग्रेस पदाधिकारी बैठक बस्दै

काठमाडौँ- आज नेपाली कांग्रेसको पदाधिकारी बैठक बस्दैछ ।

आज दिउँसो २ बजे पार्टी केन्द्रीय कार्यालय सानेपामा बस्ने गरीपदाधिकारी बैठक बोलाइएको हो । सह–महामन्त्री डाक्टर प्रकाशशरण महतका अनुसार बैठकमा पार्टीको क्रियाशील सदस्यता विवादबारे छलफल हुने छ । क्रियाशील सदस्यता वितरणका मापदण्डमै विवाद देखिएकाले आजको बैठकमा यसबारे समाधान खोजिने भएको छ ।

पाटीको १४औँ महाधिवेशन नजिकिँदै गर्दा कांग्रेसमा क्रियाशिल सदस्यताको विवाद बढ्दै गएको छ । सभापति शेरबहादुर देउवाले एकलौटी ढंगले सदस्यता वितरण तथा नवीकरण गरेको भन्दै संस्थापन इतर समूहले विरोध गर्दै आएको छ ।

केही दिनयता यसै विषयमा पटकपटक छलफल भए पनि समाधान निस्कन सकेको छैन ।