त्रिविका रोकिएका परीक्षा साउन ५ गतेदेखि हुने

काठमाडौँ- रोकिएका स्नातक तह र स्नातकोत्तर तहका सबै परीक्षाहरु त्रिभुवन विश्वविद्यालयले साउन ५ गतेदेखि सुरु गर्ने निर्णय गरेको छ ।

बुधबार बसेको परीक्षा बोर्ड बैठकले साउन ५ गतेदेखि स्नातक दोस्रो बर्षका रोकिएका सबै परीक्षाहरु संञ्चालन गर्ने निर्णय गरेको परीक्षा नियन्त्रक कार्यालय बल्खुका नियन्त्रक पुष्पराज जोशीले बताएका छन् ।

उनले स्नातक दोस्रो वर्षको परीक्षाहरु साउन ९ गतेसम्म सम्पन्न गर्ने बोर्डले तय गरेको बताएका छन् ।

उनले स्नातक प्रथम वर्षका परीक्षार्थीहरुले परीक्षा साउन १० गतेदेखि २८ गतेसम्म सञ्चालन गरी सबै विषयको परीक्षा सम्पन्न गर्ने निर्णय भएको जनाए ।