रोल्पामा पहिरोले घर पुर्दा तीनजनाको मृत्यु, तीन घाइते

रोल्पा- गएराति रोल्पा नगरपालिका –९ होमामा अविरल वर्षाका कारण पहिरोले घर पुरिँदा ३ को मृत्यु भएको छ ।

प्रहरीले अनुसार घरमाथिबाट झरेको पहिरोले घर पुरिँदा मृत्यु हुने स्थानीय तिकासिंह बुढामगरका ८६ वर्षीय आमा क्रति बुढामगर, १८ वर्षीय बुहारी सुशीला बुढामगर र १५ वर्षिय छोरी श्यामकला बुढामगर रहेको छ ।

६ जना सुतेका मध्ये २ जनाको अवस्था सामान्य रहेको प्रहरीले जनाएको छ भने एक जनाको अवस्था गम्भीर रहेको छ ।

घटनाको जानकारी पाएलगत्तै जिल्ला प्रहरी प्रमुख डीएसपी नरेशराज सुवेदीसहितको टोली घटनामा पुगेर उद्धारको काम गरिरहेको जिल्ला प्रहरी कार्यालय रोल्पाका प्रवक्ता प्रहरी निरीक्षक कृष्ण रानाले जानकारी दिएका छन् ।